Konstrua industrio

La konstrua industrio aŭ konstrua ekonomio estas sektoro de la ekonomio kiu provizas planadon, starigon kaj modifojn de konstruaĵoj. La ĉefaj agantoj de la konstrua industrio estas la konstruaj entreprenoj de la diversaj komercoj. La konstrumateriala industrio, konstru-adminstracioj kaj institutoj de konstrua esploro ne estas parto de la konstruindustrio, same ne firmaoj de konstruigantoj, kiuj nur jure kaj ekonomie respondecas pri la realigo de konstruaj projektoj, do baze financas la konstruadon kaj poste profitas de vendo aŭ luo. La konstrua industrio ludas gravan rolon en la ĝenerala ekonomio.

La evoluoj en la interna merkato de la Eŭropa Unio ĉirkaŭ la jarmilŝanĝo havis pli grandan efikon al la konstrua industrio ol al aliaj sektoroj.^[1] En la unuaj jardekoj de la 21-a jarcento, multaj rifuĝintoj al la Eŭropa Unio eklaboris aŭ trejniĝis en la konstrua industrio.^[2] Precipe longtempe, ekzistas aparte forta potencialo en la industrio por integriĝo de enmigrintoj.^[3]

1. ↑ Georg Worthmann, Klaus Zühlke-Robinet: eseo Neue Arbeitsmigration im Baugewerbe und ihre Regulierung — Das Arbeitnehmer-Entsendegesetz als Instrument zur Re-Regulierung des Bauarbeitsmarktes ("Nova labormigrado en Konstruindustrio kaj ĝia reguligo - La Leĝo pri Postdonado de Laboristoj kiel instrumento por la reregulado de la konstrulabora labormerkato"), en Migration im Wettbewerbsstaat ("migrado en la konkura ŝtato"), redakto de U. Hunger, B. Santel, eldonejo VS Verlag für Sozialwissenschaften, Leske + Budrich, 2003, paĝoj 91–118 COI:10.1007/978-3-322-93242-6_6 (germane)
2. ↑ artikolo Baubranche integriert überproportional viele Flüchtlinge ("Konstruindustrio integras neproporcie altan nombron da rifuĝintoj") en la retejo baunetzwerk.biz la 28-an de junio 2019 (germane)
3. ↑ artikolo Beschäftigung von Flüchtlingen in der Bauwirtschaft ("Dungigo de Rifuĝintoj en la konstruindustrio") en la retejo bauindustrie.de la 2-an de septembro 2019, arkivigita en januaro 2022 (germane)